MALTA ME AVION, 4 DITË €459

5 Nëntor (e Enjte)

Nisja nga Tirana me Wizz Air në orën 20:15.
Mbërritja në Maltë në orën 22:20.
Transferta për në hotelin 4 yje, ku do të bëhet akomodimi.

6 Nëntor (e Premte)

Mëngjesi në hotel. Në orën 09:00 fillon vizita në qytetin historik të Valletta-s, kryeqyteti ikonik i Maltës, i rrethuar nga fortifikime mbresëlënëse.

Gjatë vizitës do të shijojmë atmosferën e veçantë të qytetit dhe do të vizitojmë Shatërvanin e
Tritonit, Portat e Qytetit, Katedralen e Shën Gjonit, me pikturat e Caravaggio-s, si dhe do të
ndjekim ceremoninë e baterive në mesditë.

Kohë e lirë për drekë dhe shëtitje në qytet.

Kthimi në Sliema dhe kohë e lirë për shëtitje, si dhe për darkë në një nga restorantet e shumta
të zonës.

7 Nëntor (e Shtunë)

Mëngjesi në hotel. Në orën 09:00 fillon një ditë e plotë vizitash në qytetin e Mdina-s, i njohur
ndryshe si “Qyteti i Heshtur”, i cili nga antikiteti deri në Mesjetë ka qenë kryeqyteti i Maltës.

Me vetëm rreth 242 banorë dhe me qarkullimin e automjeteve kryesisht të kufizuar, qyteti ruan një qetësi të veçantë, prej nga vjen edhe origjina e emrit të tij. Të ecësh në rrugicat e Mdina-s të krijon ndjesinë sikur je kthyer pas në kohë, në Mesjetë.

Portat mesjetare dhe sheshet e qytetit kanë shërbyer si skena xhirimi për serialin e famshëm
Game of Thrones.

Muret e larta të qytetit ofrojnë pamje panoramike të ishullit të Maltës.

Katedralja e Shën Palit, një ndërtesë mbresëlënëse e stilit barok, dominon sheshin kryesor dhe
përbën një pjesë të rëndësishme të trashëgimisë historike të qytetit.

Kohë e lirë për drekë dhe më pas vazhdojmë drejt Ta’ Qali Artisan Village, fshatit të artizanëve, ku mund të njiheni me mjeshtëritë tradicionale malteze, si punimi i filigranit, qeramikës, qelqit, gurit, metalit dhe shumë zejeve të tjera, të trashëguara brez pas brezi.

Më pas vazhdojmë udhëtimin drejt një pjese tjetër të ishullit, me ndalesë në Dingli Cliffs, një
nga vendet më të preferuara për fotografi falë panoramës spektakolare.

Do të vizitojmë gjithashtu Kullën e Kuqe, e veçantë jo vetëm për arkitekturën e saj, por edhe
për panoramën që ofron drejt ishujve Comino dhe Gozo.

Vazhdojmë më tej drejt St. Paul’s Bay, një tjetër qytet i cili fillimisht ishte një fshat peshkatarësh dhe më pas u zhvillua në një qendër të rëndësishme turistike dhe tregtare.

8 Nëntor (e Diel)

Mëngjesi në hotel. Kohë e lirë për vizita opsionale, ndër të cilat mund të zgjidhni një shëtitje
panoramike me anije për të shijuar bukuritë natyrore të Maltës, një shëtitje në Sliema, vizitë në
Popeye Village ose shopping në Tigné Point.

Transferta për në aeroport.

Nisja nga Malta në orën 21:30. Mbërritja në Tiranë në orën 23:05.

Menu

MALTA ME AVION, 4 DITË €459

Përshkrimi

Oferta përfshinë

Agjenda

5 Nëntor (e Enjte)

6 Nëntor (e Premte)

7 Nëntor (e Shtunë)

8 Nëntor (e Diel)

Galeria

Nuk përfshihet

CALL CENTER

Bashkohu me ne